"Qarabağ" səfərdə "Qəbələ" ilə heç-heçə etdi

Misli Premyer Liqasının XXXI turunda daha bir qarşılaşma baş tutub.

90deqiqe.Az-ın məlumatına görə, “Qəbələ” doğma meydanda “Qarabağ” komandasını qəbul edib. Qəbələ şəhər stadionunda keçirilən görüşdə qalib müəyyənləşməyib — 1:1.

Oyunda hesabı qonaqlar açıb. “Qarabağ”ın heyətində Kadi Borges 29-cu dəqiqədə fərqlənərək komandasını önə keçirib. Meydan sahibləri isə ikinci hissədə tarazlığı bərpa ediblər. “Qəbələ”nin futbolçusu İsmael Akinade 57-ci dəqiqədə rəqib qapısına yol taparaq matçın yekun nəticəsini müəyyənləşdirib.

Bu heç-heçədən sonra “Qarabağ” xallarının sayını 63-ə çatdıraraq turnir cədvəlinin ikinci pilləsində qərarlaşıb. 21 xala malik “Qəbələ” isə 11-ci sırada qalıb.

Qeyd edək ki, turun əvvəlki oyunlarında "Kəpəz" son Azərbaycan çempionu Sabah üzərində 1:0 hesablı qələbə qazanıb. “İmişli” — "Zirə" qarşılaşması isə qolsuz bərabərliklə yekunlaşıb.

Misli Premyer Liqasında XXXI turun oyunlarına mayın 10-da yekun vurulacaq.