“Sabah” Timoteuş Puxaçın transferini rəsmiləşdirdi

“Sabah” klubu müdafiəçi Timoteuş Puxaçın transferi ilə bağlı Almaniyanın “Holştayn” komandası ilə aparılan danışıqları uğurla başa çatdırıb.

90deqiqe.Az xəbər verir ki, bu barədə Bakı təmsilçisinin mətbuat xidməti məlumat yayıb.

Bildirilib ki, Azərbaycan çempionu 27 yaşlı polşalı futbolçunun transfer hüquqlarını tam şəkildə əldə edib. Tərəflər arasında 3 illik müqavilə imzalanıb.

Qeyd edək ki, Timoteuş Puxaç ötən ilin sentyabr ayından “Sabah”ın formasını geyinir. Təcrübəli müdafiəçi cari mövsümdə bütün turnirlər daxil olmaqla 33 oyunda meydana çıxıb, 2 qola və 12 məhsuldar ötürməyə imza atıb.