“Qarabağ” Premyer Liqanı qələbə ilə başa vurub

“Qarabağ” Misli Premyer Liqasında mövsümü qələbə ilə tamamlayıb.

90deqiqe.Az-ın məlumatına görə, Ağdam təmsilçisi XXXIII turda səfərdə “Sumqayıt”ın qonağı olub. Mehdi Hüseynzadə adına Sumqayıt şəhər stadionunda keçirilən qarşılaşma 4:3 hesabı ilə başa çatıb.

“Qarabağ”ın qollarını 3 və 64-cü dəqiqələrdə Ramil Şeydayev, 22-ci dəqiqədə Emmanuel Addai, 85-ci dəqiqədə Aleksey Kaşuk vurub. “Sumqayıt”ın heyətində isə Səbuhi Abdullazadə 53-cü, Rüstəm Əhmədzadə 76-cı, Emil Mustafayev 90+3-cü dəqiqədə fərqlənib.

Bu nəticədən sonra “Qarabağ” xallarının sayını 69-a çatdıraraq turnir cədvəlində ikinci pillədə qərarlaşıb. “Sumqayıt” isə 41 xalla yeddinci yerdə mövsümü davam etdirir.

Günün digər matçında “Sabah” “Turan Tovuz”a 2:1 hesabı ilə qalib gəlib.

Qeyd edək ki, Misli Premyer Liqasına mayın 24-də yekun vurulacaq. Ötən turda “Qəbələ” “Şamaxı”nı 3:1 hesabı ilə məğlub edib.