Bir xal uşaqları ruhdan salmamalıdır - Ayxan Abbasov

"İlk növbədə müəllimləri peşə bayramı münasibəti ilə klubumuz adından təbrik edirik. Oyuna gəlincə, “Keşlə”nin gücünü bilirdik. “Qarabağ”dan sonra ən az top buraxan və ən çox qol vuran komandadır".

Corner.az xəbər verir ki, bu sözləri "Sumqayıt"ın baş məşqçisi Ayxan Abbasov Premyer Liqanın 7-ci turunda bu gün "Keşlə" ilə keçirilən oyundan sonra mətbuat konfransında deyib.

O, qosluz başa çatan matçı belə şərh edib:"Oyunçularımdan razı qaldım. Onların da qol vurmaq şansı var idi, bizim də. Bir qol oyunun taleyini həll edə bilərdi. Yuxarı sıralarla fərq böyük deyil, fasilədən sonra mübarizəni davam etdirəcəyik. Bu 1 xal uşaqları ruhdan salmamalıdır".