Serbiyalı yarımmüdafiəçi “Sabah”da qaldı

 “Sabah” futbol klubu heyətində çıxış edən Velko Simiçlə yeni müqavilə imzalayıb.

Klubdan 90deqiqe.Az-a verilən məlumata görə, serbiyalı yarımmüdafiəçi ilə 2 illik yeni sözləşmə bağlanıb. Futbolçu azad agent statusunda komandaya qoşulduğundan, transfer üçün hər hansı ödəniş edilməyib.

Velko Simiç ötən ilin avqustunda Türkiyənin “Sivasspor” klubundan icarə əsasında “Sabah”a transfer olunmuşdu.

Yarımmüdafiəçi “bayquşlar”ın heyətində indiyədək 34 oyuna çıxıb, 12 qol və 13 məhsuldar ötürmə ilə yadda qalıb.

Qeyd edək ki, Simiç ötən mövsüm “Sabah”la Azərbaycan çempionluğunu və ölkə kubokunu qazanıb.