Komandanın oyunundan razıyam - Elmar Baxşıyev

"Oyun planlaşdırdığımız kimi keçdi. Komandanı psixoloji hazırlamaq bir az çətin olsa da, məncə, psixoloji baxımdan eniş yaşamadıq. "Zirə" güclü komandadır. Hesab oyuna görə oldu. Hər iki komandanın imkanları oldu. Komandanın oyunundan razıyam. İstədiyimiz əzmkarlıqdır, onu da görürük. Oyundan-oyuna istədiklərimizi görürük".

Corner.az-ın məlumatına görə, bu sözləri “Qəbələ”nin baş məşqçisi Elmar Baxşıyev Azərbaycan Premyer Liqasının 7-ci turunda  “Zirə” ilə heç-heçə etdikləri oyundan (1:1) sonra deyib.

"Rasim Ramaldanov artıq əməliyyat olunub. 4-5 ay futboldan uzaq qalacaq. David Volkova iradımız yoxdur. Sadəcə, fürsətləri dəyərləndirə bilmir. Gələcək oyunlarda yaxşı olacaq” - deyə o bildirib.