“Şəfa”nın yeni mövsüm üçün hazırlıq planı müəyyənləşib

Azərbaycan Premyer Liqasının təmsilçisi “Şəfa” yeni mövsümə hazırlıq proqramını açıqlayıb.

Klubun mətbuat xidmətindən 90deqiqe.Az-a verilən məlumata görə, Zaur Həşimovun rəhbərlik etdiyi komanda iyulun 2-də Bakıda toplaşacaq. Hazırlığın ilkin mərhələsi paytaxtda keçiriləcək.

İyulun 20-də isə “Şəfa” hazırlığın ikinci mərhələsi üçün Qəbələyə yollanacaq. Komanda dağlıq bölgədə avqustun 9-dək hazırlığını davam etdirəcək.

Bakı təmsilçisi yeni mövsümə hazırlıq çərçivəsində bir neçə yoxlama oyunu keçirməyi də planlaşdırır. Qarşılaşmaların dəqiq tarixi və məkanı isə hələlik müəyyənləşməyib.