"Şəfa" Nicat Mehbalıyevi heyətinə qatdı

Yeni mövsüm üçün heyətini gücləndirməyə davam edən "Şəfa" növbəti transferini rəsmiləşdirib.

90deqiqe.Az klubun rəsmi saytına istinadla xəbər verir ki, qapıçı Nicat Mehbalıyevlə 1 illik müqavilə imzalanıb.

25 yaşlı qolkiper son olaraq "Sabah"ın formasını geyinib. O, ötən mövsüm Bakı təmsilçisinin heyətində Misli Premyer Liqasının və Azərbaycan Kubokunun qalibi adını qazanıb.

Nicat Mehbalıyev karyerası ərzində "Qarabağ"ın da şərəfini qoruyub. Təcrübəli qapıçı müxtəlif illərdə icarə əsasında "Sumqayıt" və "Qəbələ" klublarında çıxış edib.

Beləliklə, "Şəfa" yeni mövsüm öncəsi heyətini daha bir təcrübəli futbolçu ilə gücləndirmiş olub.