“Qarabağ” Pedro Bikalyo ilə yeni müqavilə bağladı

“Qarabağ” heyətinin üzvlərindən olan Pedro Bikalyo ilə bağlı qərarını rəsmiləşdirib.

90deqiqe.Az xəbər verir ki, Ağdam təmsilçisi braziliyalı yarımmüdafiəçi ilə müqavilənin müddətini uzadıb.

Klubun yaydığı məlumata əsasən, tərəflər arasında 3 illik yeni sözləşmə imzalanıb. Razılaşmaya görə, 24 yaşlı futbolçu 2029-cu ilin yayına qədər “köhlən atlar”ın formasını geyinməyə davam edəcək.

2025-ci ildən “Qarabağ”da çıxış edən Pedro Bikalyo bu müddət ərzində 51 oyunda meydana çıxıb. Yarımmüdafiəçi sözügedən matçlarda 1 qol vurub.

Beləliklə, Azərbaycan çempionu yeni mövsüm öncəsi heyətin vacib üzvlərindən biri ilə əməkdaşlığını daha üç il uzadıb.