"Şəfa" Murad Musayevi transfer etdi

2026/2027 mövsümündə Azərbaycan Premyer Liqasında mübarizə aparacaq "Şəfa" heyətini yeni futbolçu ilə gücləndirib.

90deqiqe.Az xəbər verir ki, Bakı təmsilçisi müdafiəçi Murad Musayevlə müqavilə imzalayıb. Bu barədə klubun mətbuat xidməti məlumat yayıb.

Bildirilib ki, tərəflər arasında bir illik əməkdaşlıq müqaviləsi bağlanıb.

Qeyd edək ki, 31 yaşlı futbolçu peşəkar karyerasının böyük hissəsini "Qəbələ" klubunda keçirib. Təcrübəli müdafiəçi müxtəlif illərdə "Zirə", "Şüvəlan" və "Səbail" komandalarının da formasını geyinib.

Xatırladaq ki, "Şəfa" qarşıdakı mövsümdə Azərbaycan Premyer Liqasında debüt edəcək. Klub yeni mövsüm öncəsi heyətini gücləndirmək istiqamətində transfer çalışmalarını davam etdirir.