"Karvan-Yevlax" Samuel Durrantla vidalaşdı

"Karvan-Yevlax" klubu heyətində növbəti ayrılığı rəsmiləşdirib.

90deqiqe.Az xəbər verir ki, bölgə təmsilçisi futbolçu Samuel Durrantla yollarını ayırdığını açıqlayıb.

Klubun yaydığı məlumata əsasən, 24 yaşlı vingerin başa çatan müqaviləsinin müddətinin uzadılmaması qərara alınıb. Bununla da tərəflər arasındakı əməkdaşlığa son qoyulub.

Qeyd edək ki, Samuel Durrant 2025/2026 mövsümünün əvvəlində "Karvan-Yevlax"a transfer olunmuşdu. Gənc futbolçu ötən mövsüm ərzində Yevlax təmsilçisinin uğurları üçün mübarizə aparıb.

Klub futbolçuya gələcək karyerasında uğurlar arzulayıb.