“Araz-Naxçıvan” gənc futbolçu ilə müqavilə imzaladı

“Araz-Naxçıvan” klubu növbəti transferini rəsmiləşdirib.

Klubdan 90deqiqe.Az-a verilən məlumata görə, Naxçıvan təmsilçisi gənc futbolçu İbrahim Piriyevlə müqavilə imzalayıb. 21 yaşlı cinah yarımmüdafiəçisi ilə bağlanan anlaşma 2 il müddətini əhatə edir.

İ.Piriyev 2025/2026-cı illər mövsümündə “Araz-Naxçıvan”ın əvəzedici heyətində çıxış edib. O, mütəmadi olaraq əsas komandanın məşqlərinə cəlb olunub və artıq Misli Premyer Liqasının son turunda “Zirə”yə qarşı oyunda debüt edib.

Qeyd edək ki, “Araz-Naxçıvan” daha əvvəl Tərlan Əhmədli, Ömər Buludov, Slavik Alxasov və Ülvi İsgəndərovla da yeni müqavilə imzalayıb.