Samir Abbasov istefaya göndərildi

Zirə rəhbərliyi və baş məşqçi Samir Abasov arasında görüş keçirilib.

Corner.az-ın klubun saytına istinadən xəbərinə görə, görüş zamanı “Zirə”nin cari mövsümdə göstərdiyi oyun və əldə olunan nəticələr müzakirə olunub. Müzakirələrin nəticəsində qarşılıqlı razılaşmaya əsasən klubla baş məşqçi arasında müqaviləyə xitam verilməsi qərara alınıb.

“Zirə” PFK Samir Abasova göstərdiyi xidmətlərə görə təşəkkür edib və gələcək karyerasında uğurlar arzulayıb.

Qeyd edək ki, "Zirə" ölkə çempionatında 7 turdan sonra 8  xalla 5-ci pillədə qərarlaşıb. Komanda son turda doğma meydanda "Qəbələ" ilə heç-heçə edib - 1:1