"Araz-Naxçıvan"dan növbəti transfer

Transfer çalışmalarını davam etdirən "Araz-Naxçıvan" heyətini yeni futbolçu ilə gücləndirib.

Klubdan 90deqiqe.Az-a verilən məlumata görə, Naxçıvan təmsilçisi mərkəz müdafiəçisi Rəşad Həsənovla anlaşıb. 23 yaşlı futbolçu ilə bir illik müqavilə imzalanıb.

Yeni mövsümdən etibarən "Araz-Naxçıvan"ın formasını geyinəcək Rəşad Həsənov karyerası ərzində "Keşlə", "Şamaxı" və "Zirə-2" klublarında çıxış edib. O, son mövsümü I Liqa təmsilçisi "Cəbrayıl"ın heyətində keçirib.

Müdafiəçi müxtəlif illərdə Azərbaycanın U-16, U-17, U-19 və U-21 millilərinə dəvət alıb.

Qeyd edək ki, "Araz-Naxçıvan" daha əvvəl Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov və Luka Dumançiçlə də yeni müqavilə imzalayıb.