"Sabah"ın Avstriyadakı yoxlama oyunlarının rəqibləri müəyyənləşdi

Avstriyanın Tirol bölgəsində təlim-məşq toplanışını davam etdirən "Sabah"ın hazırlıq prosesi çərçivəsində keçirəcəyi yoxlama oyunlarının təqvimi açıqlanıb.

Klubdan 90deqiqe.Az-a məlumata görə, Bakı təmsilçisi ilk sınağını Rumıniyanın "Universitatya Krayova" komandasına qarşı keçirəcək. Qarşılaşma iyunun 24-də baş tutacaq.

Valdas Dambrauskasın rəhbərlik etdiyi kollektiv növbəti yoxlama matçında Macarıstanın "Ferentsvaroş" klubu ilə üz-üzə gələcək. Bu görüş iyunun 28-nə planlaşdırılıb.

"Sabah" Avstriya toplanışı çərçivəsində son oyununu isə iyulun 2-də Ukrayna təmsilçisi "Polissya"ya qarşı keçirəcək.

Qeyd edək ki, Bakı klubu yeni mövsümə hazırlıq məqsədilə Avstriyada təlim-məşq toplanışı keçirir.