"Qarabağ" iki futbolçusu ilə vidalaşdı

"Qarabağ" heyətində növbəti ayrılıqlar rəsmiləşib.

Ağdam klubundan 90deqiqe.Az-a mətbuat xidmətindən verilən məlumata görə, komanda Fabian Buntiç və Amin Ramazanovla yollarını ayırıb.

Bildirilib ki, qapıçı Fabian Buntiçlə müqaviləyə qarşılıqlı razılıq əsasında xitam verilib. Digər qolkiper Amin Ramazanovun isə başa çatan müqaviləsi yenilənməyib.

Beləliklə, hər iki futbolçu yeni mövsümdən etibarən "Qarabağ"ın heyətində yer almayacaq.

Qeyd edək ki, Ağdam təmsilçisi yay transfer dövründə heyətdə dəyişikliklər aparmaqla yanaşı, yeni mövsümə hazırlıq prosesini davam etdirir.