"Neftçi" qvadelupalı müdafiəçi ilə müqavilə bağladı

"Neftçi" 2026-cı il yay transfer pəncərəsində növbəti keçidini rəsmiləşdirib.

90deqiqe.Az xəbər verir ki, paytaxt təmsilçisi qvadelupalı müdafiəçi Endryu Qravilyonu heyətinə qatıb.

Klubun yaydığı məlumata görə, 28 yaşlı futbolçu ilə ikiillik müqavilə imzalanıb. Təcrübəli müdafiəçi "ağ-qaralar"ın heyətində "55" nömrəli formanı geyinəcək.

Qeyd edək ki, Endryu Qravilyon karyerası ərzində İtaliya, Fransa və Türkiyə çempionatlarında çıxış edib. Qvadelupa millisinin üzvü olan futbolçu yığmanın heyətində keçirdiyi 19 oyunda iki qola imza atıb.

Beləliklə, "Neftçi" yay transfer dönəmində üçüncü transferini reallaşdıraraq yeni mövsüm öncəsi heyətini gücləndirmək istiqamətində növbəti addımını atıb.