"Araz-Naxçıvan" Rövlan Muradovu heyətinə qatdı

Yeni mövsüm üçün transfer çalışmalarını davam etdirən "Araz-Naxçıvan" növbəti keçidini rəsmiləşdirib.

Klubdan 90deqiqe.Az-a verilən məlumata görə, yarımmüdafiəçi Rövlan Muradovla 1 illik müqavilə imzalanıb. Futbolçu qarşıdakı mövsümdə Naxçıvan təmsilçisinin uğurları üçün çalışacaq.

"Qəbələ" futbol məktəbinin yetirməsi olan Muradov karyerası ərzində Çexiyanın "Slaviya" klubunun B komandasında, eləcə də "Qarabağ"ın U-19, "Qəbələ", "Sumqayıt" və "Zirə" kollektivlərində çıxış edib. O, müxtəlif yaş qrupları üzrə Azərbaycanın U-19 və U-21 milli komandalarının da formasını geyinib.

Qeyd edək ki, "Araz-Naxçıvan" bundan əvvəl Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənov, Alberto Qarsiya Fernandes, Alexandro Herrera və Luka Dumançiçlə yeni müqavilə imzalayıb.