"Qəbələ" Natan Monzanqonu heyətinə qatdı

"Qəbələ" yay transfer dönəmində növbəti keçidini rəsmiləşdirib.

90deqiqe.Az klubun rəsmi saytına istinadla xəbər verir ki, bölgə təmsilçisi Konqo Demokratik Respublikasının mərkəz müdafiəçisi Natan Monzanqonu heyətinə cəlb edib.

25 yaşlı futbolçu ilə "1+1" illik müqavilə imzalanıb.

Natan Monzanqo son olaraq Sloveniyanın "Bravo" klubunun formasını geyinib. O, karyerası ərzində Fransanın "Şole", "Amyen", "Pau" və "Vilfranş", eləcə də Türkiyənin "Çaykur Rizəspor" komandalarında çıxış edib.

Qeyd edək ki, "Qəbələ" yeni mövsüm öncəsi heyətini gücləndirmək istiqamətində transfer çalışmalarını davam etdirir.