"Araz-Naxçıvan" Mustafa Əhmədzadə ilə müqaviləni uzatdı

Transfer çalışmalarını davam etdirən "Araz-Naxçıvan" heyətində daha bir futbolçunun gələcəyinə aydınlıq gətirib.

90deqiqe.Az xəbər verir ki, Naxçıvan təmsilçisi yarımmüdafiəçi Mustafa Əhmədzadə ilə yeni müqavilə imzalayıb.

Yeni razılaşmaya əsasən, 23 yaşlı futbolçu daha iki il "qırmızı-ağlar"ın formasını geyinəcək.

Qeyd edək ki, Mustafa Əhmədzadə 2023-cü ildən "Araz-Naxçıvan"ın şərəfini qoruyur.

Xatırladaq ki, klub bundan əvvəl Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənov, Alberto Qarsiya Fernandes, Alexandro Herrera, Rövlan Muradov, İssuf Paro və Luka Dumançiçlə də yeni müqavilə bağlayıb.