- Misli Premyer liqa
- 18:53 09.07.2026
"Sumqayıt" futbol klubu baş məşqçi postuna yeni təyinatı rəsmiləşdirib.
90deqiqe.Az xəbər verir ki, "gənclik şəhəri" təmsilçisini bundan sonra portuqaliyalı mütəxəssis Filipe Kandidu çalışdıracaq.
Mütəxəssislə 1 illik müqavilə imzalanıb.
Filipe Kandidu son olaraq Portuqaliyanın "Pakuş Ferreyra" klubunda baş məşqçi kimi fəaliyyət göstərib.
Qeyd edək ki, 50 yaşlı mütəxəssis futbolçu karyerası ərzində Portuqaliyanın "Sportinq" və İspaniyanın "Real Madrid" komandalarının da formasını geyinib.
