"Araz-Naxçıvan" braziliyalı qapıçı transferini rəsmiləşdirdi

Yeni mövsümün hazırlığını davam etdirən "Araz-Naxçıvan" heyətini növbəti transferlə gücləndirib.

90deqiqe.Az xəbər verir ki, Naxçıvan təmsilçisi braziliyalı qapıçı Artur Auqusto Da Silva ilə 1 illik müqavilə imzalayıb.

27 yaşlı qolkiper karyerası ərzində Braziliyanın "Desportivo Braziliya", Portuqaliyanın "Oliveyrense" və "Feyrense" klublarında çıxış edib. O, son olaraq İndoneziyanın "Semen Padanq" komandasının formasını geyinib.

Qeyd edək ki, "Araz-Naxçıvan" yay transfer pəncərəsində Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənov, Alberto Qarsiya Fernandes, Alexandro Herrera, Rövlan Muradov, İssuf Paro, Mustafa Əhmədzadə və Luka Dumançiçlə də müqavilə bağlayıb.