Vadim Abdullayev karyerasını "Kəpəz"də davam etdirəcək

Yeni mövsümün hazırlıqlarını davam etdirən "Kəpəz" növbəti transferini reallaşdırıb.

Klubun mətbuat xidmətindən 90deqiqe.Az-a verilən məlumata görə, Gəncə təmsilçisi yarımmüdafiəçi Vadim Abdullayevlə müqavilə imzalayıb. Tərəflər arasında əldə olunan razılaşmaya əsasən, futbolçu mövsümün sonunadək "sarı-göylər"in uğurları üçün çalışacaq.

Vadim Abdullayev ötən mövsümü I Liqa təmsilçisi "Karvan-Yevlax"ın heyətində keçirib. O, 2025/2026 mövsümündə 31 oyunda meydana çıxıb və bir qolla yadda qalıb.

Qeyd edək ki, "Kəpəz" yay transfer pəncərəsində heyətini gücləndirmək istiqamətində çalışmalarını davam etdirir.