"Qəbələ" heyətini nigeriyalı vingerlə gücləndirdi

 Transfer çalışmalarını davam etdirən "Qəbələ" heyətini yeni futbolçu ilə gücləndirib.

90deqiqe.Az xəbər verir ki, bölgə təmsilçisi nigeriyalı vinger Uboçioma Meşakı transfer edib.

24 yaşlı futbolçu ilə 1+1 illik müqavilə imzalanıb.

Uboçioma Meşak son olaraq Macarıstanın "Kazintsbartsika" klubunda çıxış edib. Nigeriyalı futbolçu karyerası ərzində Macarıstanın "Zalaeqerseq", Sloveniyanın "Nafta", eləcə də Şotlandiyanın "Livinqston" və "Dandi Yunayted" klublarının da formasını geyinib.

Qeyd edək ki, "Qəbələ" yeni mövsüm öncəsi transfer çalışmalarını davam etdirərək heyətini gücləndirməyə çalışır.