"Neftçi" Freddi Varqasın transfer hüququnu aldı

"Neftçi" heyətində çıxış edən venesuelalı futbolçu Freddi Varqasın transferini rəsmiləşdirib.

90deqiqe.Az xəbər verir ki, Bakı təmsilçisi ön xətt oyunçusunu birdəfəlik heyətinə qatıb.

Klubun yaydığı məlumata görə, Venesuela millisinin üzvü ilə "2+1" illik müqavilə imzalanıb.

Qeyd edək ki, Freddi Varqas 2025-ci ilin yayında İsrailin "Makkabi" (Netanya) klubundan satınalma hüququ ilə bir mövsümlük icarəyə götürülmüşdü.

27 yaşlı futbolçu ötən mövsüm "Neftçi"nin heyətində keçirdiyi 34 rəsmi oyunda 5 qola imza atıb və 8 məhsuldar ötürmə ilə yadda qalıb.

Beləliklə, "ağ-qaralar" uğurlu çıxışı ilə seçilən venesuelalı futbolçunun transfer hüququndan istifadə edərək onu daimi əsasda heyətində saxlayıb.