"İmişli" Kot-d’ivuarlı yarımmüdafiəçini transfer etdi

Azərbaycan Premyer Liqasının yeni mövsümünə hazırlaşan "İmişli" heyətini daha bir legionerlə gücləndirib.

90deqiqe.Az xəbər verir ki, bölgə təmsilçisi Kot-d’İvuardan olan yarımmüdafiəçi Yvan Senini transfer edib.

Klubun yaydığı məlumata əsasən, 19 yaşlı futbolçu ilə 2+1 illik müqavilə imzalanıb.

Əsasən dayaq yarımmüdafiəçisi mövqeyində çıxış edən Yvan Senin karyerası ərzində Kot-d’İvuarın "Abidjan Siti", Portuqaliyanın "Sportinq" U-19, eləcə də Azərbaycanın "Şimal" klubunun formasını geyinib.

Gənc futbolçu yeni mövsümdən etibarən "İmişli"nin uğurları üçün mübarizə aparacaq.