"Qəbələ" Prins Ovusunun transferi ilə bağlı razılığa gəldi

"Qəbələ" futbolçusu Prins Ovusunun transferi ilə bağlı Slovakiyanın "Dunayska Streda" klubu ilə razılıq əldə edib.

90deqiqe.Az xəbər verir ki, bu barədə bölgə təmsilçisinin mətbuat xidməti məlumat yayıb.

Bildirilib ki, tərəflər qanalı futbolçunun transferi ilə bağlı bütün detalları razılaşdırıblar.

Qeyd edək ki, Prins Ovusu 2025-ci ilin iyul ayında Qananın "Nayan" Akademiyasından "Qəbələ"yə transfer olunmuşdu. 20 yaşlı vinger "qırmızı-qaralar"ın heyətində keçirdiyi 34 rəsmi oyunda 7 qol vurub, 3 məhsuldar ötürmə ilə yadda qalıb.

Transferin maliyyə detalları açıqlanmayıb.