- Misli Premyer liqa
- 17:36 12.08.2026
“Şəfa” klubu heyətini daha bir futbolçu ilə gücləndirib.
Paytaxt təmsilçisindən 90deqiqe.Az-a verilən məlumata görə, klub braziliyalı hücumçu Luis Felipe da Silva Rodrigezlə müqavilə imzalayıb.
25 yaşlı forvardla “1+1” illik sözləşmə əldə olunub.
Qeyd edək ki, Luis Felipe da Silva Rodrigez son olaraq Albaniyanın “Vora” klubunda çıxış edib. Braziliyalı futbolçu karyerası ərzində ölkəsində “Boavişta”, “Parana”, “Kaldense”, “Banqu Atletiko”, “Sentro Sportivo Alaqoano”, “İpatinqa” və “Volta Redonda” komandalarının formasını geyinib.
