- Misli Premyer liqa
- 19:35 13.08.2026
Transfer çalışmalarını davam etdirən “Kəpəz” heyətinə daha bir futbolçu cəlb edib.
Klubdan 90deqiqe.Az-a verilən məlumata görə, Gəncə təmsilçisi belçikalı yarımmüdafiəçi Desmond Akuanın transferini rəsmiləşdirib.
24 yaşlı futbolçu ilə 2026/2027-ci illər mövsümünün sonunadək müqavilə imzalanıb.
Desmond Akua son olaraq Belçikanın “Dender” klubunda çıxış edib. O, ötən mövsüm bütün turnirlər nəzərə alınmaqla 15 matçda meydana çıxıb və 2 qol vurub.
Beləliklə, belçikalı yarımmüdafiəçi qarşıdakı mövsümdə “Kəpəz”in heyətində çıxış edəcək.
