“Sumqayıt”ın futbolçusu əməliyyat olunub

“Sumqayıt”ın əsas komandasının üzvü Səbuhi Abdullazadə əməliyyat olunub.

90deqiqe.Az xəbər verir ki, bu barədə “gənclik şəhəri” təmsilçisinin mətbuat xidməti məlumat yayıb.

Bildirilib ki, 24 yaşlı yarımmüdafiəçinin Bakıdakı özəl xəstəxanalardan birində keçirdiyi əməliyyat uğurla başa çatıb. Futbolçunun təxminən 5 aydan sonra yaşıl meydanlara qayıdacağı gözlənilir.

Qeyd edək ki, S.Abdullazadə Misli Premyer Liqasının I turunda “Neftçi” ilə qarşılaşmanın 74-cü dəqiqəsində qırmızı vərəqə alaraq meydandan kənarlaşdırılıb. Bundan sonra futbolçu əli ilə dəhlizdəki şüşəni sındırıb. Şüşənin iri parçasının ayağına düşməsi nəticəsində S.Abdullazadə ciddi xəsarət alıb.