“Şamaxı” Gəncədə “Kəpəz”i darmadağın etdi

Misli Premyer Liqasının IV turunda “Şamaxı” səfərdə “Kəpəz” üzərində böyük hesablı qələbə qazanıb.

90deqiqe.Az xəbər verir ki, Gəncə stadionunda keçirilən qarşılaşma qonaqların 4:1 hesablı qələbəsi ilə başa çatıb.

“Şamaxı”nın heyətində Tornike Axvlediani 9-cu, Uğur Cahangirov 21-ci, Ayman Bouali 63-cü, Həbib İsmayılov isə 76-cı dəqiqədə fərqlənib.

“Kəpəz”in heyətində isə yeganə qola 58-ci dəqiqədə Desmond Akua imza atıb.

Bu nəticədən sonra xallarını 5-ə çatdıran “Şamaxı” turnir cədvəlində 5-ci pilləyə yüksəlib. Gəncə təmsilçisi isə 3 xalla 10-cu sırada qərarlaşıb.

Qeyd edək ki, IV turun açılış oyununda “Qəbələ” doğma meydanda “İmişli”ni 2:1 hesabı ilə məğlub edib.