“Kəpəz” – “Qəbələ” oyununda veteran futbolçunun xatirəsi anılacaq

Azərbaycan Premyer Liqasının V turunda keçiriləcək “Kəpəz” – “Qəbələ” oyunundan əvvəl veteran futbolçu Mehman Hacıyevin xatirəsi bir dəqiqəlik sükutla yad ediləcək.

90deqiqe.Az xəbər verir ki, bu barədə Gəncə klubunun mətbuat xidməti məlumat yayıb.

Bildirilib ki, klub rəhbərliyinin bununla bağlı Peşəkar Futbol Liqasına (PFL) müraciəti müsbət cavablandırılıb.

Beləliklə, sentyabrın 12-də Gəncə Şəhər Stadionunda keçiriləcək qarşılaşmadan əvvəl Mehman Hacıyevin xatirəsi bir dəqiqəlik sükutla yad olunacaq.

Sükut zamanı stadionun elektron tablosunda mərhum futbolçunun fotosu da nümayiş etdiriləcək.