150-ci qol

“Araz-Naxçıvan” Azərbaycan çempionatlarının yüksək dəstəsində 150-ci qolunu vurub.

90deqiqe.Az Peşəkar Futbol Liqasının (PFL) rəsmi saytına istinadla xəbər verir ki, yubiley Premyer Liqanın V turuna təsadüf edib. “Turan Tovuz”un futbolçusu Emmanuel Hakmanın avtoqolu Naxçıvan təmsilçisi üçün 150-ci olub. 2:2 hesabı ilə başa çatan görüşdə daha bir dəfə fərqlənən komanda 152-ci oyununda qol sayını 151-ə də çatdırıb. Bunlardan 80-i evdə, 71-i səfərdə qeydə alınıb.

“Araz-Naxçıvan” turnirin tarixində 150 və daha çox qol vuran 26-cı komanda olub. Klub tarixində yüksək dəstədəki ilk qol 2000/2001-ci illər mövsümünə təsadüf edib. 2000-ci il avqustun 20-də İlham Allahyarov fərqlənib.