“Qəbələ”nin yeni baş məşqçisi bəlli oldu

“Qəbələ” futbol klubunun yeni baş məşqçisi müəyyənləşib.

 90deqiqe.Az klubun rəsmi saytına istinadla xəbər verir ki, “qırmızı-qaralar” şimali makedoniyalı mütəxəssis Yeton Bekiri ilə müqavilə imzalayıb. 44 yaşlı çalışdırıcı ilə anlaşmanın müddəti 1+2 il təşkil edir.

Yeton Bekiri son olaraq ölkəsinin “Şkendiya” klubuna rəhbərlik edib. O, 2024/2025 mövsümündə bu komanda ilə Şimali Makedoniya çempionluğunu qazanıb.

Mütəxəssis karyerası ərzində “Drita”, “Qostivar”, “Renova” və “Struqa” (hamısı Şimali Makedoniya), eləcə də Albaniyanın “Bilis” klublarında baş məşqçi kimi çalışıb. Bekiri Səudiyyə Ərəbistanının “Əl-Cabalayn” klubunda isə idman direktoru vəzifəsini tutub.

Qeyd edək ki, Yeton Bekiri “Qəbələ”də rəsmi fəaliyyətə sentyabrın 20-dən başlayacaq.