- Misli Premyer liqa
- 15:58 21.09.2026
“Araz-Naxçıvan” klubunda baş məşqçi dəyişikliyi baş verib.
Klubdan 90deqiqe.Az-a verilən məlumata görə, baş məşqçi Zaur İsmayılov və məşqçi Cavid Hüseynovla müqavilələrə qarşılıqlı razılıq əsasında xitam verilib.
Qeyd edək ki, hər iki mütəxəssis cari mövsümün əvvəlində “Araz-Naxçıvan”ın məşqçilər heyətinə qoşulub. Zaur İsmayılovun rəhbərlik etdiyi komanda Premyer Liqada keçirdiyi 6 oyunda cəmi 2 xal toplayıb.
Naxçıvan təmsilçisi hazırda turnir cədvəlinin sonuncu – 12-ci pilləsində qərarlaşıb.
