“Turan Tovuz” – “İmişli” oyununun vaxtı və məkanı dəyişdirildi

Azərbaycan Premyer Liqasının VIII turunda keçiriləcək “Turan Tovuz” – “İmişli” qarşılaşmasının keçirilmə vaxtı və məkanı dəyişdirilib.

Peşəkar Futbol Liqasından (PFL)  90deqiqe.Az-a verilən məlumata görə, “Turan Tovuz” oktyabrın 20-də Tovuz Olimpiya İdman Kompleksində keçiriləcək qadın voleybolu üzrə Çempionlar Liqası oyunu ilə əlaqədar müraciət edib.

Tovuz təmsilçisi VIII turda oktyabrın 18-də “İmişli” ilə nəzərdə tutulan görüşün XVIII turdakı “İmişli” – “Turan Tovuz” qarşılaşması ilə dəyişdirilməsini istəyib. “İmişli”nin razılığını nəzərə alan PFL müraciəti təmin edib.

Qərara əsasən, VIII tur çərçivəsində “Turan Tovuz” – “İmişli” matçı oktyabrın 18-də saat 15:00-da Yevlax şəhər stadionunda keçiriləcək.