“Zirə” “Sumqayıt”ı məğlub edərək dördüncü pilləyə yüksəlib

Misli Premyer Liqasının IX turunda daha bir oyun keçirilib.

90deqiqe.Az xəbər verir ki, günün ikinci qarşılaşmasında “Zirə” doğma meydanda “Sumqayıt”ı qəbul edib. Görüş “qartallar”ın 3:2 hesablı qələbəsi ilə başa çatıb.

Bakı təmsilçisinin heyətində 8-ci dəqiqədə penaltidən Ruan Renato, 21-ci dəqiqədə Rikardo Martins, 83-cü dəqiqədə isə Davit Volkov fərqlənib.

“Sumqayıt”ın qollarını 39-cu dəqiqədə Nihad Əhmədzadə, 56-cı dəqiqədə isə Keffel Resende vurub.

Qələbə sayəsində xallarının sayını 15-ə çatdıran “Zirə” turnir cədvəlinin dördüncü pilləsinə yüksəlib. “Sumqayıt” isə 8 xalla səkkizinci sırada qərarlaşıb.

Qeyd edək ki, turun ilk oyununda “Qəbələ” səfərdə “Araz-Naxçıvan”ı 2:1 hesabı ilə məğlub edib. IX tura oktyabrın 25-də yekun vurulacaq.