Azərbaycan Kubokunda 1/8 final mərhələsinin bütün iştirakçıları müəyyənləşib

Futbol üzrə Azərbaycan Kubokunun II təsnifat mərhələsinə iki oyunla yekun vurulub.

90deqiqe.Az-ın məlumatına görə, ilk qarşılaşmada I Liqa təmsilçiləri “Xankəndi” və “Gəncəbasar” komandaları üz-üzə gəliblər. Əlavə vaxtda rəqibini 3:2 hesabı ilə məğlub edən “Gəncəbasar” 1/8 finala vəsiqə qazanıb.

Digər görüşdə isə I Liqada çıxış edən “Karvan-Yevlax” II Liqa təmsilçisi “Zəngəzur”u 4:1 hesabı ilə üstələyərək növbəti mərhələyə yüksəlib.

Beləliklə, Azərbaycan Kubokunun 1/8 final mərhələsinin bütün iştirakçıları və cütlükləri müəyyənləşib.

1/8 final mərhələsinin cütlükləri

• “Gəncəbasar” – “Şamaxı”

• “Karvan-Yevlax” – “Zirə”

• “Araz-Naxçıvan” – “Marafon”

• “Sabah” – “İmişli”

• “Sumqayıt” – “Qarabağ”

• “Qəbələ” – “Şahdağ Qusar”

• “Şəfa” – “Neftçi”

• “Turan Tovuz” – “Kəpəz”

Qeyd edək ki, Azərbaycan Kubokunun 1/8 final mərhələsinin oyunları dekabrın 1-2-də keçiriləcək.