“Turan Tovuz” son çempion “Sabah”ı məğlub edib

Futbol üzrə Azərbaycan Premyer Liqasının X turuna start verilib.

90deqiqe.Az-ın məlumatına görə, turun açılış qarşılaşmasında “Turan Tovuz” doğma meydanda son çempion “Sabah”ı qəbul edib. Tovuz şəhər stadionunda keçirilən görüş meydan sahiblərinin 3:2 hesablı qələbəsi ilə başa çatıb.

Ev sahiblərinin heyətində Enrike Silva 28-ci, Joralem Santos isə 30 və 37-ci dəqiqələrdə fərqlənərək dubl edib. “Sabah”ın qollarını isə 70-ci dəqiqədə Coy Lens Mikels, 87-ci dəqiqədə Ksander Severina vurublar.

Bu nəticədən sonra ehtiyatda bir oyunu qalan “Sabah” 20 xalla turnir cədvəlinə başçılıq edir. “Turan Tovuz” isə 10 oyundan sonra 18 xalla dördüncü pillədə qərarlaşıb.