"Neftçi”nin müdafiəçisi Ömər Buludovun taleyinə aydınlıq gəlib.
Corner.az klubun rəsmi saytına istinadən xəbər verir ki, gənc futbolçu ilə yeni müqavilə bağlanıb.
19 yaşlı oyunçu cari mövsümün sonuna qədər olan anlaşmasını yeniləyib. Sazişə görə, Buludov 2021-ci il mayın 31-dək bakılılara məxsus olacaq.
Qeyd edək ki, "Neftçi”nin yetirməsi olan Ömər Buludov bu mövsüm 9 oyunda meydana çıxıb.
