- Misli Premyer liqa
- 11:11 23.10.2024
Azərbaycan Premyer Liqasında mövsümün məhsuldarlıq rekordu qeydə alınıb.
Corner.az xəbər verir ki, 12-ci turun 4 oyununda qapılara 16 top vurulub.
Bütün komandaların qol sevinci yaşadığı turda “Neftçi” “Qəbələ”ni 4:1, “Sabah” “Səbail”i, “Zirə” “Keşlə”ni eyni – 3:1, “Sumqayıt” “Qarabağ”ı 2:1 hesabı ilə məğlub edib. Orta məhsuldarlıq 4-ə bərabər olub. Bunadək mövsümün rekordu IX tura təsadüf etmişdi. 14 qolun vurulduğu vaxt orta göstərici 3,50-yə bərabər idi.
Sonuncu dəfə bu rəqəmin 4 və ya daha yüksək olması ötən mövsümün XXIII turunda qeydə alınıb. Həmin vaxt 16 qol vurulub, məhsuldarlıq 4-ə bərabər olub. Ötən mövsümkü mütləq rekord isə XI tura məxsusdu – 17 qol (4,25).