Ramil Şeydayev Dinamo ilə barışdı

Rusiya Futbol İttifaqı (RFS) Mübahisələrin Həlli Palatası qış fasiləsində "Dinamo Moskva"dan ayrılan "Sabah"ın futbolçusu Ramil Şeydayevlə sabiq klubu arasındakı barışıq sazişini təsdiqləyib.

Corner.az-ın məlumatına görə, bu barədə qurumun rəsmi saytı xəbər yayıb.

Bildirilib ki, bununla da paytaxt təmsilçisinə yeni futbolçuların qeydiyyatdan keçirilməsi ilə bağlı qoyulan qadağa aradan qalxıb.

Qeyd edək ki, RFS-in Mübahisələrin Həlli Palatası "Dinamo"nu millimizin üzvü ilə müqaviləyə xitam verildiyi vaxt qayda pozuntuları etdiyi üçün cəzalandırmışdı.

Xatırladaq ki, Ramil Şeydayev "Dinamo"ya 2019-cu ilin yayında "Krılya Sovetov"dan azad agent qismində keçib. 2020-ci ilin yanvarında Moskva klubu 24 yaşlı hücumçu ilə müqaviləni pozduğunu açıqlayıb. R.Şeydayev fevralın 17-də "Sabah"la mövsümün sonunadək sözləşmə imzalayıb.