Səmədov idman direktoru olmaq istəyir

"Hazırda əsas planlarım ailəmlə bağlıdır".

Corner.az-ın məlumatına görə, bu fikirləri "Dinamo Moskva"nın sabiq futbolçusu Aleksandr Səmədov klubun "Youtube" kanalına açıqlamasında deyib.

Veteran yarımmüdafiəçi bildirib ki, futbolla bağlı müəyyən ideyaları var. Azərbaycan əsilli oyunçu klubda işləmək istədiyini söyləyib: "Karantini gözləyirəm. Yəqin ki, üfiqdə nə isə görünəcək. Klubda idman direktoru vəzifəsi ola bilər. Bu iş həm xoşuma gəlir, həm də mənim üçün maraqlıdır. Ani qərar vermək istəmirəm. Çünki heç yerə tələsmirəm".

Qeyd edək ki, ötən il futbolçu karyerasını başa vuran Aleksandr Səmədov son olaraq Rusiyanın “Krılya Sovetov” komandasının formasını geyinib.(report)