Kvaratsxeliya İngiltərə klubu yolunda

Rusiyanın "Rubin" klubunun futbolçusu Xviça Kvaratsxeliyanı karyerasını "Everton"da davam etdirə bilər.

Corner.az-ın "RB Sport"a istinadən məlumatına görə, 20 yaşlı yarımmüdafiəçi "Zenit"ə keçmək niyyətində deyil.

Daha əvvəl atası, Azərbaycan millisinin sabiq futbolçusu Badri Kvaratsxeliya Xviça Kvaratsxeliyanın tezliklə "Rubin"dən gedəcəyini və Rusiyada qalmayacağını açıqlayıb. Klubun idman direktoru Oleq Yarovinski isə futbolçunun top-çempionatlardan birinə transferi istiqamətində danışıqların getdiyini bildirib. X.Kvaratsxeliyanı "Milan"ın texniki direktoru Paolo Maldini və "Napoli"nin baş məşqçisi Cennaro Qattuzonun da izlədiyinə dair xəbərlər yayılıb.