Rusiya Premyer Liqasında 9-cu turun oyunları keçirilib. Corner.az xəbər verir ki, azərbaycanlı futbolçu Ayaz Quliyevin formasını geyindiyi “Arsenal” (Tula) da növbəti matçına çıxıb.
Sözügedən kollektiv səfərdə “Ural”ın qonağı olub. Ayazın komandası bu oyunda məğlubiyyətlə üzləşib – 0:2. Sonuncu pillədə qərarlaşmış “Ural” bu qələbə ilə cari mövsümdəki ilk qalibiyyətini qazanıb.
Zədəli olan Quliyev bu görüşün iştirakçısı olmayıb. Onun adı qarşılaşmanın iştirak ərizəsinə də daxil edilməyib.
“Arsenal” geridə qalan 9 turda 8 xal toplayıb və 16 kollektiv arasında 13-cü pillədə qərarlaşıb.
