Əliyevin qolu, komandasını məğlubiyyətdən xilas edə bilmədi

Futbol üzrə Rusiya Milli Futbol Liqasında (Premyer Liqadan sonrakı ən güclü liqa) 25-ci turun oyunları keçirilib.

Corner.az xəbər verir ki, azərbaycanlı hücumçu Kamran Əliyevin komandası “SKA-Xabarovsk” da növbəti matçına çıxıb.

Sözügedən kollektiv səfərdə “Yenisey”in qonağı olub. Azərbaycanlı futbolçunun komandası bu oyunda məğlubiyyətlə üzləşib – 1:3.

Kamran da bu görüşün iştirakçısı olub. O, komandasının start heyətində meydana çıxıb və sonadək mübarizə aparıb. Xabarovskluların yeganə qolunu da azərbaycanlı hücumçu vurub. Əliyev 90-cı dəqiqədə rəqibin qapısından topu keçirib.

Xabarovsk təmsilçisi Kamranı “Ximki”dən bu mövsümün sonuna kimi icarəyə götürüb.