Xorvatiya Futbol İttifaqı “Zenit”in futbolçusu Deyan Lovrenin Rusiyaya qayıtmasını istəmir. Corner.az “Metaratings”ə istinadən xəbər verir ki,32 yaşlı müdafiəçi yığma komandanın oyunlarından sonra Sankt-Peterburqa qayıtmağı planlaşdırsa da, Xorvatiya Futbol İttifaqı qayıtmaması üçün ona güclü təzyiq edir.
Qurum rəhbərliyi xorvat futbolçunun Rusiya klubu ilə müqaviləni dayandırmalı olduğunu vacib hesab edir.
Fevralın 24-də Rusiya qoşunları Ukraynaya hücuma keçib və bu hücum dünyada kəskin etirazlarla qarşılanıb. Bu hücumdan sonra Rusiyaya və onun müttəfiqi olan Belarusa qarşı bir çox sanksiyalar tətbiq edilməyə başlanılıb. Sözügedən ölkələrin müxtəlif idman növləri üzrə komandaları da qadağalarla üzləşib.
