Futbol üzrə Rusiya Milli Futbol Liqasında (Premyer Liqadan sonrakı ən güclü liqa) 28-ci turun oyunları keçirilib. Corner.az xəbər verir ki, azərbaycanlı hücumçu Kamran Əliyevin komandası “SKA-Xabarovsk” da növbəti matçına çıxıb.
Sözügedən kollektiv doğma meydanda Vladiqafqaz “Alaniya”sını qəbul edib. Azərbaycanlı futbolçunun komandası bu oyunda inamlı qələbə qazanıb – 2:0.
Kamran da bu görüşün iştirakçısı olub. O, 90-cı dəqiqədə meydana buraxılıb.
“SKA-Xabarovsk”da vaxtilə Azərbaycanın aşağı yaş qrupları üzrə yığmalarında oynamış David Qarayev də forma geyinir. O da bu görüşdə forma geyinib. Start heyətdə meydana çıxan futbolçu 9-cu dəqiqədə penaltidən yararlana bilməyib, 17-ci dəqiqədə isə əvəzlənib.
“SKA-Xabarovsk” 28 turdan sonra 45 xalla 20 kollektiv arasında 6-cı pillədə qərarlaşıb.
