Futbol üzrə Rusiya Premyer Liqasında 23-cü turun oyunları keçirilib. Corner.az xəbər verir ki, azərbaycanlı futbolçu Ayaz Quliyevin formasını geyindiyi “Arsenal” (Tula) da növbəti matçına çıxıb.
Sözügedən kollektiv doğma meydanda “Axmat”ı qəbul edib. Futbolçumuzun komandası bu oyundan heç-heçə ilə ayrılıb – 0:0.
Quliyev də bu görüşün iştirakçısı olub. O, start heyətdə meydana çıxıb və sonadək mübarizə aparıb.
“Arsenal” geridə qalan 23 turda 21 xal toplayıb və 16 kollektiv arasında 13-cü pillədə qərarlaşıb.
