Futbol üzrə Rusiya kubokunda qrup mərhələsinin oyunları keçirilir. Corner.az xəbər verir ki, azərbaycanlı futbolçular – Ayaz Quliyev və İlya Sadıqovun formasını geyindiyi “Ximki” də növbəti matçına çıxıb.
Sözügedən kollektiv səfərdə “Nijni Novqorod”un qonağı olub. Azərbaycanlı futbolçuların komandası bu oyundan məğlubiyyətlə üzləşib.
Qarşılaşmanın əsas vaxtı 1:1 hesabı ilə yekunlaşıb. Lakin reqlamentə əsasən, heç-heçə bitən qrup matçlarında penalti seriyasına ehtiyac duyulur. 11 metrlik zərbələrdə daha dəqiq olan meydan sahibləri 5:3 hesabıyla qələbə qazanıb.
Ayaz Quliyevin adı bu matçın iştirak ərizəsinə salınmayıb. İlya Sadıqov isə start heyətdə meydana çıxıb və 65-ci dəqiqədə əvəzlənib.
Xalsız olan “Ximki” 4 komandalı qrupda sonuncu pillədə qərarlaşıb.
